ലൈവ് ഓഡിയോ റൂമുകളാണ് പുതിയ ട്രെൻഡ്. ഓരോ റൂമിലും സംസാരിക്കുന്ന 'സ്പീക്കർ’മാരുടെ അനുമതിയില്ലാതെ റെക്കോർഡ് ചെയ്യരുതെന്നാണ് ചട്ടമെങ്കിലും ഇത് പാലിക്കപ്പെടുന്നുണ്ടോ എന്നുറപ്പില്ല ഓഡിയോ റൂമുകളിലെ ഇടപെടലും പങ്കാളിത്തവും സ്ക്രീൻ റെക്കോർഡ് ഓപ്ഷനിലൂടെ മറ്റൊരാൾക്ക് റെക്കോർഡ് ചെയ്ത് മറ്റ് സോഷ്യൽ മീഡിയകളിൽ പോസ്റ്റ് ചെയ്യാനും കഴിയും.
റൂം എന്ന ആശയത്തിലാണ് ചര്ച്ച ഉണ്ടാകുന്നത്. ആര്ക്കും റൂം സംഘടിപ്പിക്കാം. രണ്ടുപേർക്കു തമ്മിൽ സംസാരിക്കാൻ ഒരു റൂം ഉണ്ടാക്കണമെന്ന് മാത്രം. ആ റൂമിലേക്ക് രണ്ടുപേരാണ് ഉണ്ടാവുക, അതിലേക്ക് വേറെ ആളുകളെയും ക്ഷണിക്കാം. അവർ പറയുന്നത് കേൾക്കുകയും, മറുപടി പറയുകയും ചെയ്യാം. 5000 അംഗങ്ങളെവരെ ഒരു റൂമില് ഉള്പ്പെടുത്താം.ആപ്പിള് ഐഫോണ് ഉപയോക്താക്കള്ക്ക് ആപ്പിള് ആപ്പ് സ്റ്റോറില് നിന്നും, ആന്ഡ്രോയ്ഡ് ഉപയോക്താക്കള്ക്ക് പ്ലേ സ്റ്റോറില് നിന്നും സൗജന്യമായി ഈ ആപ്പ് ഡൗണ്ലോഡ് ചെയ്യാം. ഈ ആപ്പില് കയറാൻ ക്ലബ് ഹൌസ് മെമ്പര് ഇന്വൈറ്റ് ചെയ്യണം.